بیٹیوں کی رخصتی

وہ سرخ چنری اوڑھے پلنگ پر بیٹھی ہوئی تھی، کہ کچھ دیر میں اس کی کزنز اسے نیچے لے جانے،آئے۔ کسی اور کے نام تو وہ کل ہی ہو چکی تھی آج اس کی رخصتی تھی۔ دل زوروں سے دھڑک رہا تھا۔ دل میں کئی خدشات اور ڈر تھے وہ لوگ کیسے ہونگے جن میں بیاہی گئی ہوں۔ ماں باپ اس کے ایک دوسرے سے آنسو چھپانے لگے تھے۔ ""بیٹی کی رخصتی سے ڈر نہیں لگتا ، ڈر اس کے نصیب سے لگتا ہے۔"" بچپن میں دادی اسے پریوں کہانی سناتی تھی، جس میں ایک شہزادہ سفید گھوڑے پر آ کر پری کو اپنے ساتھ لے جاتا تھا، دادی کہتی میری لاڈو بھی پری ہے، دیکھنا اسے بھی بیاہنے سفید گھوڑے پر ایک شہزادہ آۓ گا۔ انہی سوچو میں گھری نہ جانے کب ایک آنسو آنکھ سے نکل کر اس کے حنائی ہاتھوں میں جزب ہوگیا۔